သတိပဋ္ဌာန်အကြောင်း

ဓမ္မပီယ—- စိတ်အကြောင်းကို နားမလည် ရင် အစွဲ မျိုးစုံက လွတ်ဘို့ မလွယ်ကူကြောင်းကို တပည့်တော် သဘောပေါက်နားလည် ပါပြီဘုရား။ အရှိတရား သတိထားတတ်မှ သတိပဋ္ဌာန်ဖြစ်ကြောင်း တရားကိုလည်း ဆက်လက် ရှင်းပြတော်မူပါဘုရား။

ဦးဝိဇယ—- သတိပဋ္ဌာန် အကြောင်းကို ကိုယ်တွေ့ ဉာဏ်တွေ့ သဘောပေါက်ချင်ရင်တော့ တပည့်တော် ခိုင်းတဲ့အတိုင်း လုပ်ကြည့်မှ ဖြစ်နိုင်မယ်ဘုရား။ အလုပ်မပါပဲပြောရင် ပုံပြင်ပြောသလို ဖြစ်နေလိမ့်မယ် ဘုရား။လုပ်ရမှာတော့မခက်ပါဘူး။

ဓမ္မပီယ—-ခက်သည်ဖြစ်စေ ၊ လွယ်သည်ဖြစ်စေ ၊ ကြိုးစားလုပ်ရမှာပေါ့ဘုရား။ လောကီကိစ္စ တွေမှာကိုပဲ ကြိုးစားလုပ်ရသေး တာ။ အောင်မြင်သွားရင် ဒါက သံသရာ တစ်လျှောက်လုံး ချမ်းသာသွားမှာဆိုတော့ တပည့်တော် လုပ်ပါ့မယ်ဘုရား။

ဦးဝိဇယ—-သတ္တဝါတွေ ဆင်းရဲနေကြတာ၊ ဟာ လိုချင်၊ ဖြစ်ချင် ၊ရချင် မှုများဖြင့် စွဲလန်းနေကြလို့ ဆင်းရဲနေကြတာပါဘုရား။ အပါယ် လေးဘုံ ရောက်ကြတယ်ဆိုတာလည်း လိုချင်၊ဖြစ်ချင် ရချင်မှုများဖြင့်အပါယ်လေးဘုံ ရောက်ကြရပါတယ်ဘုရား။

ထိုလိုချင်၊ ဖြစ်ချင်၊ ရချင် တဲ့စိတ်တွေ ငြိမ်းအေးသွားအောင်၊ *ပျက်နေတယ်– ပျက်နေတယ်* ဟုအေးအေးဆေးဆေး စိတ်လေးနဲ့ ရွတ်ပါတယ်ဘုရား။ ဒါရွတ်ရင် တရားရမှာပဲဆိုပြီး ၊လိုချင်၊ ဖြစ်ချင် ၊ ရချင်လို့ ရွတ်တာမျိုး မဖြစ်စေရပါဘူး။

လိုချင်၊ ဖြစ်ချင်၊ရချင် တဲ့ စိတ်တွေ ငြိမ်းအေးသွားအောင်ဆိုတဲ့ ရည်ရွယ်ချက်နဲ့ *ပျက်နေတယ်-ပျက်နေတယ်* ဟု အေးအေးဆေးဆေး စိတ်ဖြင့် ရွတ်ရမယ်ဘုရား။

ခန္ဓာ ကိုယ်ကို သက်သက်သာသာလေးထားပါ။ စိတ်ကိုလည်း လွတ်လွတ်လပ်လပ် လေး ထားရမယ်ဘုရား။ကိုယ်ကို ချုပ်ခြင်း၊စိတ်ကိုချုပ်ခြင်း၊ လုံးဝမလုပ်ရပါဘူး ဘုရား။

ဓမ္မပီယ—-အရှင်ဘုရား ခိုင်းတဲ့အတိုင်း ၊ ခန္ဓာကိုယ်ကို သက်သာအောင်နေ၊ စိတ်ကိုလည်း လွတ်လွတ်လပ်လပ် ထား ပြီး၊လိုချင် ၊ဖြစ်ချင်၊ ရချင်တဲ့စိတ် ငြိမ်းအေးအောင် *ပျက်နေတယ်–ပျက်နေတယ်* ဟုအေးအေးဆေးဆေး စိတ်နဲ့ ရွတ်ပါတယ်ဘုရား။

တပည့်တော် သဘောပေါက် လိုက်တာကတော့ ၊စိတ်ဟာ *ပျက်နေတယ်–ပျက်နေတယ်*ဟု မရွတ်တဲ့အချိန်မှာ *လိုချင်တယ်-ရချင်တယ်-ဖြစ်ချင်တယ်*ဟု တစ်ခုခု အမြဲတမ်း ရွတ် ပါတယ် ဘုရား။

*ပျက်နေတယ်–ပျက်နေတယ်* ဟူသော စကားလုံး ရဲ့ နောက်မှာ ဘာကိုမှ ပုံဖေါ်ခွင့် မရတဲ့ အတွက်ကြောင့် ကြိုက်တဲ့ ပုံစံဖေါ်ပြီး လိုချင်၊ ဖြစ်ချင် ၊ ရချင် နေတဲ့ အစွဲအကုသိုလ်တွေ ပေါ်ခွင့် မရတော့ ပါ ဘူးဘုရား။

အစွဲအလန်း နည်းရင် နည်းသလောက် ၊စိတ်ငြိမ်မှုကလည်း ရပါတယ်ဘုရား။ အရှင်ဘုရား ပြောတဲ့ ဒီနည်းဟာ အချိန်၊နေရာ၊ ဣရိယာပုဒ် များ တရားအတွက် သီးသန့် တွေ့စရာမလိုဘဲ၊ ပေးစရာမလိုဘဲ၊ သတိရတိုင်းလေး ရွတ်တာနဲ့ ကိုဘဲ အတော်ချမ်းသာမှု ကို ရပါတယ်ဘုရား။

ဦးဝိဇယ—-ဒါကိုသမာဓိ ထူထောင်တယ်လို့ ခေါ်ပါတယ်ဘုရား။ ဒီသမာဓိကတော့ ငြိမ်သမာဓိ မဟုတ်ပါဘူး။ ငြိမ်းအေးတဲ့ သမာဓိ ခေါ်ပါတယ်။ ငြိမ်သမာဓိ ဆိုတာကတော့ ခန္ဓာကိုယ်ကို ငြိမ်နေအောင် လုပ်ထားတဲ့ သမာဓိ ကို* ငြိမ်သမာဓိ *လို့ ခေါ်ပါတယ်..။

လိုချင်၊ ဖြစ်ချင်၊ ရချင်မှုများ ငြိမ်းအေး သွားအောင် လုပ်တဲ့ သမာဓိ ဖြစ်လို့ *ငြိမ်းအေးတဲ့သမာဓိ*ဟုခေါ်ပါတယ်ဘုရား။ ငြိမ်သမာဓိ ဟာ ဝိပဿနာ နဲ့ မဆိုင်ပါဘူးဘုရား။

ခန္ဓာကို ငြိမ်အောင် ကြိုးစားနေရလို့ အမှန်အတိုင်း သိအောင် ကြိုးစားတဲ့ ဝိပဿနာ ဉာဏ်နဲ့ မပတ်သက်ပါဘူး။ ငြိမ်းအေး တဲ့ သမာဓိ ကတော့ * ဆင်းရဲ မှန်သမျှ ဟာ စွဲလန်းလို့ ပဲ* ဆိုတဲ့ အမှန်သိခြင်း ကို ဦး စား ပေး နေ တဲ့အတွက် ကြောင့် ၊ဝိပဿနာ ဉာဏ် ရဲ့ အထောက်အကူ ဖြစ်ပါတယ် ဘုရား။

သတိပဋ္ဌာန် ကတော့*******

ထိုင် ရင်းနဲ့ * ပျက်နေတယ်—ပျက်နေတယ်* ဟုစိတ်ဖြင့် ရွတ် နေရင်၊ ထိုင်တာကိုလည်း သိနေတယ်။

သွားရင်းနဲ့ *ပျက်နေတယ်—ပျက်နေတယ်* ရွတ်နေရင် သွားတာကိုလည်း သိနေတယ်။

ရပ်ရင်း နဲ့ *ပျက်နေတယ်—ပျက်နေတယ်* ရွတ်နေရင် ၊ ရပ်နေတာကိုလည်း သိနေတယ်။

လျောင်းရင်းနဲ့ *ပျက်နေတယ်–ပျက်နေတယ်* ရွတ်နေရင် ၊လျောင်းတာကို လည်းသိနေတယ်။

သွား၊ ရပ် ၊ထိုင်၊ လျောင်း ဟူသော နာမည် ပညတ်မပါပဲ သိတာဘက်ကို ဦးစားပေးပြီး ၊*ပျက်နေတယ်–ပျက်နေတယ်* ဟုရွတ်နေရင် *ပျက်နေတယ်–ပျက်နေတယ်* ဟုရွတ်ရင်း ၊ ကိုယ့်ကိုကို သိနေခြင်း ပါပဲ ဘုရား။

အမည် ပညတ်၊မပါပဲ ၊သိရုံမျှ ဂရုစိုက်နေခြင်း ကို သတိပဋ္ဌာန် တရား အားထုတ် တယ်ဟုခေါ်ပါတယ်ဘုရား။ အရှင်ဘုရား လုပ်ကြည့်လိုက်ပါဦး ဘုရား။

ဓမ္မပီယ—- အရှင်ဘုရား ခိုင်း တဲ့အတိုင်းလုပ်ကြည့်တော့ အလွန် လွယ်ကူပါတယ်ဘုရား။ စိတ်အလွန်ငြိမ်းချမ်း ပါတယ်။

*ပျက်နေတယ်–ပျက်နေတယ်* ဟုအေးအေးဆေးဆေး ရွတ်နေရင် ၊ကိုယ့်ကိုကို သိနေတော့ ၊ အဆင်း၊ အသံ၊ အနံ့ ၊ အရသာတွေ၊ ထိစရာများကို တွေ့ထိနေရသော်လည်း ၊အကောင်းထင်ခြင်းလောဘ၊ အဆိုးထင်ခြင်း ဒေါသ များ၊ မဖြစ်ပဲ *ဒိဋ္ဌေ၊ဒိဋ္ဌမတ္တံ* စသော ပါဠိတော် နှင့်လည်း ညီညွတ်နေပါတယ်ဘုရား။

တပည့်တော် နားလည် သလောက်ပြောရရင် ၊ကိုယ့်ကိုကို သိရတဲ့ သိစရာလေးဟာ ၊နာမည်တပ် မရတာကို သိနေပါတယ်။ စိတ်မှာ ပုံဖေါ် ရတာ ကိုသိနေပါတယ်။

ကိုယ့်ကိုကို သိနေရတော့၊ ရှာကြံစရာမလိုသော၊ သိစရာ ကိုသိနေတယ်။ စကားဖြင့် ပြောစရာမရှိ၊စိတ်ဖြင့် သိလို့ ရတာကိုသာ၊ သိနေပါတယ်ဘုရား။

ဒီသိစရာလေးဟာ၊ စိတ်ဖြစ်တိုင်း၊ သိနေသော်လည်း၊ ဂရုစိုက်ပြီး ၊မသိဖြစ်ခဲ့ပါဘူး။ ယခုသိရတာဟာ အလွန် လွယ်ကူသက်သာ ၊ချမ်းသာသော သိစရာကို ၊သိနေရတော့ စိတ်ဆင်းရဲမှုမလာနိုင်တဲ့၊ ပုန်းအောင်းစရာလေးပဲ ဖြစ်နေပါတယ် ဘုရား။

the attachments to this post:

Satipahtan
Satipahtan

Tags: သတိပဋ္ဌာန်