Monday, April 18, 2011

ဒုက္ခဘောင်မှ လွတ်အောင်ရုန်း၍ ချမ်းသာတွေ့ဖို့...

မူလနှစ်မွှာ၊ အ၀ိဇ္ဇာနှင့်၊ တဏှာမြစ်ငုတ်၊ ရင်းမပြုတ်၍၊ မြတ်ယုတ်ဘ၀၊ ဇာတိရက၊ အိုကြနာကြ၊ မနေရဘူး၊ လူကနတ်က၊ ဖြစ်သမျှပင်၊ မြင်သမျှမျိုး၊ ဒုက္ခအိုးတည့်၊ လိုဆိုးပိုင်ပိုင်၊ တည်မခိုင်ခဲ့၊ မခံနိုင်ပျက်၊ မပျက်နိုင်ခံ၊ ၀ဋ်ထုံးစံရှင့်။

--------------------------------------------------

မူလနှစ်ဖြာ၊ သစ္စာနှစ်ခု၊ လေးခုအလွှာ၊ အင်္ဂါတစ်ဆယ့်နှစ်ပါး၊ တရားကိုယ်များနှင့်၊ သုံးပါးအစပ်၊ နှစ်ရပ်မူလ၊ ၀ဋ်သုံးဝနှင့်၊ ကာလသုံးဖြာ၊ ခြင်းရာနှစ်ဆယ်၊ ဤရှစ်သွယ်ကို၊ အလွယ်ကျက်မှတ်၊ သိစေအပ်သည်၊ သံသရာမှ လွတ်ကြောင်းတည်း။

v မူလနှစ်ဖြာ = အ၀ိဇ္ဇာ နှင့် တဏှာ

v သစ္စာနှစ်ခု = သမုဒယသစ္စာ၊ ဒုက္ခသစ္စာ

v လေးခုအလွှာ = အတိတ်အကြောင်း တစ်လွှာ၊ ပစ္စုပ္ပန်အကျိုး တစ်လွှာ၊ ပစ္စုပ္ပန်အကြောင်း တစ်လွှာ၊ အနာဂတ်အကျိုး တစ်လွှာ

v အင်္ဂါတစ်ဆယ့်နှစ်ပါး = အ၀ိဇ္ဇာ၊ သင်္ခါရ၊ ၀ိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ၊ တဏှာ၊ ဥပါဒါန်၊ ကမ္မဘ၀၊ ဇာတိ၊ ဇရာမရဏ

v တရားကိုယ်များနှင့်

v သုံးပါးအစပ် = သင်္ခါရနှင့် ၀ိညာဏ်တစ်စပ်၊ ဝေဒနာနှင့် တဏှာတစ်စပ်၊ ကမ္မဘ၀နှင့် ဇာတိတစ်စပ်

v နှစ်ရပ်မူလ

v ၀ဋ်သုံးဝနှင့် = ကိလေသ၀ဋ်သုံးပါး၊ ကမ္မ၀ဋ်နှစ်ပါး၊ ၀ိပါက၀ဋ်ရှစ်ပါး

· ကိလေသ၀ဋ်သုံးပါး = အ၀ိဇ္ဇာ၊ တဏှာ၊ ဥပါဒါန်

· ကမ္မ၀ဋ်နှစ်ပါး = သင်္ခါရ နှင့် ကမ္မဘ၀

· ၀ိပါက၀ဋ်ရှစ်ပါး = ၀ိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ၊ ဇာတိ၊ ဥပပတ္တိဘ၀၊ ဇရာမရဏ

v ကာလသုံးဖြာ = လွန်လေပြီးသော အတိတ်ကာလ၊ ယခုဖြစ်ဆဲ ပစ္စုပ္ပန်ကာလ၊ နောင်ဖြစ်လတ္တံ့ အနာဂတ်ကာလ

v ခြင်းရာနှစ်ဆယ် = အတိတ် အကြောင်းအခြင်းအရာ ငါးပါး၊ ပစ္စုပ္ပန် အကျိုးအခြင်းအရာ ငါးပါး၊ ပစ္စုပ္ပန် အကြောင်းအခြင်းအရာ ငါးပါး၊ အနာဂတ် အကျိုးအခြင်းအရာ ငါးပါး

· အတိတ် အကြောင်းအခြင်းအရာ ငါးပါး = အ၀ိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘ၀

· ပစ္စုပ္ပန် အကျိုးအခြင်းအရာ ငါးပါး = ၀ိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ

· ပစ္စုပ္ပန် အကြောင်းအခြင်းအရာ ငါးပါး = တဏှာ၊ ဥပါဒါန်၊ ဘ၀၊ အ၀ိဇ္ဇာ၊ သင်္ခါရ

· အနာဂတ် အကျိုးအခြင်းအရာ ငါးပါး = ၀ိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ
ဤရှစ်သွယ်ကို၊ အလွယ်ကျက်မှတ်၊ သိစေအပ်သည်၊ သံသရာမှ လွတ်ကြောင်းတည်း။

---------------------------------------------------

မသိမှုကြောင့် ထင်ရာလုပ်၊ ထင်ရာလုပ်လို့ ဒုက္ခရ၊ ဒုက္ခထဲက အမြစ်ထွက်၊ အမြစ်ထွက်လို့ အပင်ပေါက်၊ ချာလည် ဒုက္ခရောက်..။

--------------------------------------------------

အ၀ိဇ္ဇာနှင့်၊ တဏှာအရင်းခံ၊ ဥပါဒါန်၊ ကံကြောင့် ရုပ်နာမ်ပေါ်။ အပင်မှမျိုး၊ မျိုးမှအပင်၊ အမျှင်မပြတ်၊ ဆက်စပ်သည့်ဟန်၊ ကံကြောင့်နာမ်ရုပ်၊ နာမ်ရုပ်ကြောင့်ကံ၊ အဖန်ဖန်၊ ဖြစ်ပြန်နည်းအလျော်။ ဗြဟ္မာသိကြား၊ စသည်များက၊ ထင်ရှားပြုပြင်၊ စီရင်ဖန်ဆင်း၊ အကြောင်းရင်းကြောင့်၊ လူနတ်များစွာ၊ သတ္တ၀ါတို့၊ ဖြစ်လာရမှု၊ မဟုတ်ဟု၊ ဉာဏ်ဖြင့်ရှု၍မျှော်။

---------------------------------------------------

*ရှင်တော်မြတ်မိန့်ခွန်း*

ဖြစ်ပျက်မပါ၊ သက်တစ်ရာ၊ နေတာ အလကား။
ဖြစ်ပျက်ကိုမြင်၊ တစ်နေ့ပင်၊ လွန်လျှင်ထို့ထက် အကျိုးများ။


ဖြစ်ပျက်နှစ်ဖြာ၊ မမြင်ပါဘဲ၊ တစ်ရာအသက်၊ ရှည်သည်ထက်လည်း၊ ဖြစ်ပျက်နှစ်တန်၊ ရုပ်နှင့်နာမ်ကို၊ အမှန်မြင်လျက်၊ ဉာဏ်စဉ်တက်၍၊ တစ်ရက်တာမျှ၊ သက်ရှည်ရသော်၊ လောကလူ့ရွာ၊ ကောင်းမြတ်သာသည်၊ မြတ်စွာဗုဒ္ဓ မိန့်ခွန်းတည်း။

-------------------------------------------------------

"အက္ခရာဆား၊ ဆလိမ်ဆားကို၊ လျက်ငြားမငန်၊ ပုံသဏ္ဌာန်လို..
စာထဲကတရား၊ စာတရားကို၊ သိငြားတတ်ပြန်၊ သညာမှန်၏..။
အိုးထဲကဆား၊ တကယ့်ဆားကို၊ လျက်ငြားအမှန်၊ အဟုတ်ငန်သလို..
ခန္ဓာတရား၊ အရှိတရားကို၊ သိငြားတတ်ပြန်၊ ပညာမှန်၏..။"

------------------------------------------------------

စားခိုက်စားစဉ် သတိယှဉ် စားချင်စိတ်နဲ့ စားရုပ်မြင်၊
စားစဉ်စားခိုက် သတိစိုက် ရှုလိုက်မှတ်ကာ ပွားစေချင်၊
စားဆဲနာမ်ရုပ် စားစဉ်ချုပ် အဟုတ်ဉာဏ်မှာမြင်၊
အရိယာပတ္ထ ကျင့်လမ်းပြ ဒီကနိဗ္ဗာန်ဝင်။

--------------------------------------------------------

သွားလို ရပ်လို၊ ထိုင်နေလို၊ အိပ်လို စိတ်ဟုသိ၊
စိတ်ကြောင့်ဖြစ်သော၊ ဓာတ်ဝါယော၊ နှံ့နှောကိုယ်ဝယ်ပြည့်၊
ဝါယောပြည့်သော်၊ ၀ိညာဏ်ပေါ်၊ ရုပ်သော်ထိုင် (သွား၊ ရပ်၊ အိပ်၊ စား..)ပေ၏၊
ပုဂ္ဂိုလ်မထိုင်၊ ငါမထိုင်၊ ရုပ်ထိုင် ဉာဏ်ဖြင့်သိ။
ပုဂ္ဂိုလ်မသွား၊ ငါမသွား၊ ရုပ်သွား ဉာဏ်ဖြင့်သိ။
ပုဂ္ဂိုလ်မရပ်၊ ငါမရပ်၊ ရုပ်ရပ် ဉာဏ်ဖြင့်သိ။
ပုဂ္ဂိုလ်မအိပ်၊ ငါမအိပ်၊ ရုပ်အိပ် ဉာဏ်ဖြင့်သိ။
စသဖြင့်.... သင့်တော်သလို ဣရိယာပုတ်ကို လိုက်၍ နှလုံးသွင်းရမည်။

-----------------------------------------------

ရုပ်ဟူသမျှ၊ မသိကြ၊ သိကနာမ်ခေါ်လေ။
လူနတ်ဗြဟ္မဟာ၊ သူငါမဟုတ်၊ နာမ်နှင့်ရုပ်၊ မုချဉာဏ်မြင်စေ။

-----------------------------------------------

ဖြစ်ဖြစ်နေတာမြင် ဘာဒိဋ္ဌိစင် (ဥစ္ဆေဒ ဒိဋ္ဌိစင်)
ပျက်ပျက်နေတာမြင် ဘာဒိဋ္ဌိစင် (သဿတဒိဋ္ဌိစင်)
လူနတ်ဗြဟ္မာ သူငါမဟုတ် နာမ်နဲ့ရုပ်သာ ဖြစ်ပျက်နေတာလို့ သိရင် ဘာဒိဋ္ဌိစင် (သက္ကာယဒိဋ္ဌိစင်)

---------------------------------------------

လေးစားရိုသေစွာဖြင့်
ဖိုးသား

Monday, April 11, 2011

တရားစခန်း

Tayarsakhan Time Table

Wednesday, April 6, 2011

ဘ၀အောင်မြင်နည်း(၄)မျိုး





၁၃၇၃ခုနှစ်၊ နှစ်သစ်ကူးသင်္ကြန်အမှတ်တရအဖြစ် အရှင် ယ္ခုစာတမ်းလေးကို ရေးသားတင်ပြအပ်ပါတယ်၊၊ နှစ်သစ်မှာ အောင်မြင်မှုအပေါင်း၊ စိတ်ချမ်းသာမှုအပေါင်း၊ ပျော်ရွှင်မှုများစွာတို့နှင့် ပြည့်စုံကြပါစေလို့ အရှင် မေတ္တာပြုလိုက်ပါတယ်၊၊

ရန်အမျိုးမျိုး၊ အခက်အခဲအမျိုးမျိုးကို အောင်မြင်စေဖို့ မြတ်စွာဘုရားရှင်က နည်းလေးမျိုးကို သင်ပြပေးထားပါတယ်၊၊ လေးမျိုးဆိုတာတွေက-
(၁) မေတ္တာထားတတ်မှု၊
(၂) ကိုယ်ကျင့်တရားဖြောင့်မတ်မှု၊
(၃) ပေးကမ်းရက်ရောမှု၊
(၄) အမှန်ကိုပြောဆိုတတ်မှု၊
တို့ဖြစ်ကြပါတယ်၊၊

"မေတ္တာထားတတ်မှု"
လောကကြီးမှာ မေတ္တာကြီးမားသူတွေဟာ တဒင်္ဂအခက်ခဲကြားတွင်ရောက်နေရသည့်တိုင် သေခြာပေါက် အဲဒီအခက်ခဲတွေ၊ ဒါမှမဟုက် ရန်တွေကနေ လွတ်မြောက်ရပါတယ်၊၊ ဒါဟာ မေတ္တာရဲ့စွမ်းရည်လို့ ဆိုရမှာပါ၊၊ ကိုယ့်ဘက်ကတော့ စစ်မှန်တဲ့ မေတ္တာကိုထားတတ်ဖို့လိုတာပေါ့၊၊ မေတ္တာကြီးလာရင် အရာရာကိုအောင် နိုင်တော့တာပါ၊ သာမာန်အခက်ခဲလောက်တော့ ပြောနေဖို့ကို မလိုတော့ပါဘူး၊ မြတ်စွာဘုရားရှင်ဟာ ဘာလက်နက်မှ မကိုင်ဆောင်ဘဲ ကိလေသာစစ်ပွဲများစွာ၊ မာန်နတ်ရဲ့စစ်တပ် ကြီးနှင့်အတူ၊ဒေ၀ဒတ်ရဲ့လုပ်ကြံမှု၊ဆင်ကြမ်းကြီးရဲ့ရန်ကနေလွတ်ခဲ့တာပါ၊၊

"ကိုယ်ကျင့်တရားဖြောင့်မတ်မှု"
ကိုယ်ကျင့်တရားသည်လည်း တကယ့်အစွမ်းထက်တဲ့ လက်နက်တမျိုးပါပဲ၊ လုပ်ငန်းခွင်တခုမှာ ရေရှည် လုပ်လာရပြီဆိုရင် ကိုယ်ကျင့်တရားကောင်းသူတွေကို အများက အားကိုးကြရပါတယ်၊ လေးစားကြရပါတယ်၊၊ လိမ်တာ လှည့်ပတ်တာတွေဟာ ခဏတော့ကောင်းစားကောင်း ကောင်းစားမှာပါ၊ ဒါပေမဲ့ ရေရှည်မခံပါဘူး၊ "မြန်မာစကားမှာ စိုင်ကော်လို့ ခြုံပေါ်ရောက်"ဆိုတဲ့ စကားတခုရှိပါတယ်၊၊ ဒီစကားဟာ အရမ်းလျပ်ပေါ်လွန်းတဲ့ စကားတခုပါ၊၊ သူများမျက်ခုံးမွှေးပေါ် လမ်းလျှောက်တတ်သူတွေအတွက် အားပေးထားတဲ့စကားတခုဖြစ် ပါတယ်၊၊

စဉ်းစားဖို့ကောင်းတာက "ခြုံပေါ်ရောက်တယ်ဆိုတာ တိုက်ပေါ်၊ ဒါမှမဟုက် ကားပေါ်ရောက်သလောက်
မကောင်းဘူး"
ဆိုတာပါ၊၊ ကိုယ်ကျင့်တရားကို ထည့်မစဉ်းစားဘဲ လည်သလို၊ တတ်သလို လုပ်တတ်သူတွေဟာ ခြုံပေါ်ခဏရောက်ရသလို ကြီးပွားတတ်ပေမဲ့ ခြုံဆိုတာခိုင်မာတဲ့အရာမဟုက်တဲ့အတွက် နောက်ဆုံးမှာ ဒုက္ခရောက်ရတော့တာပါပဲ၊၊

ကိုယ်ကျင့်တရားကို အခြေခံပြီး စီးပွားရှာတတ်သူတွေ အလုပ် လုပ်တတ်သူတွေကတော့ ကြီးပွားဖို့ အောင်မြင်ဖို့ နည်းနည်းနှေးပေမဲ့ ရလာပြီးပြီဆိုရင် အရမ်းခိုင်မာပါတယ်၊ "ကံခိုင်ပြီး သံတိုင်အိမ်ဆောက်" ဆိုသလိုပါပဲ၊ ဘယ်မုန်းတိုင်းကမှ ပြိုပျက်အောင် မလုပ်နိုင်တော့ပါဘူး၊၊ ဒါကြောင့်မို့ ကိုယ်ကျင့်တရား ဖြောင့်မတ်မှုသည် အောင်မြင်ဖို့၊ အခက်ခဲများကြားကနေ လွတ်မြောက်စေဖို့ အစွမ်းထက်တဲ့လက်နက် တစ် မျိုးဆိုတာကိုယုံရမှာဖြစ်ပါတယ်၊၊

"ပေးကမ်းရက်ရောမှု"
လောကကြီးမှာ သေခြာမြင်ကြည့်တတ်ရင် ယူနေသူတွေသာ များပါတယ်၊ ပေးနေတဲ့သူတွေက အလွန်ပင် နည်းလွန်းလှပါတယ်၊၊ စာပေမှာတော့ "သစ်ပင်တွေက သစ်သီးတွေ၊ ပန်းတွေကို လောကကြီး အတွက်ပေးတယ်တဲ့၊ နွားမတွေက လူသားတို့အတွက် နို့ရည်နဲ့ သူတို့ရဲ့အင်အားတွေကို ပေးပါတယ်တဲ့၊ မြစ်ချောင်း အင်းအိုင်တွေက လူသားတို့အတွက် ရေနဲ့ရေလမ်းကို ဆက်သွယ်ပေးပါတယ်တဲ့၊၊"

ဒီလိုဆိုရင်"လူသားဖြစ်တဲ့သူများကရော လောကကြီးအတွက် ဘာတွေပေးနေပါသလဲ၊" စဉ်းစားသင့်ပါတယ်၊၊ အမှန်ပြောရရင် လူသားတွေဟာ လောကကြီးအတွက် ပေးတာနည်းနည်း ယူတာများများပါ၊၊ ဒါကြောင့်လည်း လောကကြီးက တခါတခါ လူသားတွေဆီကနေ အကြွေးတွေပြန်တောင်းတတ်ပါတယ်၊ အဲဒါတွေကတော့ သဘာဝဘေးဒဏ်တွေပါပဲ၊၊ နာဂစ်မုန်တိုင်းကြီးတွေ၊ ဆူနာမီလှိုင်းလုံးကြီးတွေဟာ တကယ်တော့ လောကကြီးက သူ့ဆီကအများကြီးယူထားတဲ့ လူသားတို့ဆီကနေ အကြွေးပြန်တောင်းတယ်လို့ဆိုရမှာပါ၊၊ ဒါကြောင့် ပေးကမ်းရက်ရောမှုသည် လောကကြီးဆီက ယူထားမိတဲ့ အကြွေးကိုပြန်လည် ပေးဆပ်ရာ
ရောက်ပါတယ်၊၊

နောက်ပြီး ပေးကမ်းရက်ရောမှုသည် နှမျောဝန်တိုတတ်သူတွေကို အနိုင်ယူဖို့အကောင်းဆုံး နည်းလမ်းတစ်ခု ဖြစ်တယ်လို့ မြတ်စွာဘုရားရှင် ဟောကြားတော်မူပါတယ်၊၊ (=ဇိနေ ကဒရိယံ ဒါနေန၊)၊၊ လောကကြီးမှာက လည်း ကြည့်လိုက်ရင် နှမျောတတ်၊ တွန့်တိုတတ်တဲ့သူတွေက များတာဆိုတော့ မိမိကသာရက်ရော ပေးကမ်း တတ်သူဖြစ်လျင် စစ်မတိုက်ဘဲ ကမ္ဘာကိုစိုးမိုးလို့တောင်မှရနိုင်ပါတယ်၊၊

ရက်ရောမှုသည် နှမျောဝန်တိုတတ်သူများကို အောင်နိုင်စေသည့်နည်းမျှသာ မဟုက်သေးပါဘူး၊ သူတော် ကောင်းများ မိမိကို ချစ်စေသည့်နည်းလည်း ဖြစ်ပါတယ်၊၊ သူတော်ကောင်းများကချစ်လျင် သူတော်ကောင်း များ၏ လမ်းညွန်မှု၊ ချီးမြှောက်မှုကိုရသဖြင့် မိမိဘ၀တွင် ဘုန်းကြက်သရေ မင်္ဂလာတိုးရုံမျှမကဘဲ စိတ်၏ ပြည့်စုံမှုကိုပါ ရစေတတ်ပါတယ်၊၊

"အမှန်ကိုပြောဆိုတတ်မှု"
လူနှစ်ယောက်ပေါင်းသင်းတဲ့အခါမှာ ဖြစ်ဖြစ်၊ အသိုင်းဝိုင်းကြီးတွေခြင်း ဆက်ဆံတဲ့အခါမှာ ဖြစ်ဖြစ်၊ အမှန်ကို ပြောဆိုတတ်မှုသည် အလွန်အရေးကြီးပါတယ်၊၊ လူတယောက်စကားမှန်ကို မပြောတတ်ဘူးဆိုရင် အခြားဘယ်နေရာတွေမှာ အားသာနေနေ ယုံကြည်ဖို့၊ အလုပ်အတူလုပ်ဖို့ အတော်ကိုခက်သွားပါပြီ၊၊

တချို့က ဘာရယ်လို့မဟုက်ဘဲ၊ အမှားကိုအချိန်ယူပြီး၊ အရသာခံပြောနေတတ်ပါတယ်၊ အစပိုင်းတော့
သိပ်ပြဿနာ မဖြစ်သေးပေမဲ့ တကယ်အလုပ်တခုကို တည်တည်ကြည်ကြည်လုပ်တော့မယ်ဆိုရင်တော့
အများက မယုံတော့တဲ့အတွက် အခက်ကြုံရတတ်ပါတယ်၊၊

ငါးပါးသီလမှာ အမှားပြောမှု=မုသာဝါဒကို အရေးပါဆုံးဖြစ်တယ်လို့ မြတ်စွာဘုရားရှင် ဟောကြား ထားပါတယ်၊၊ "အမှားကို အရေးတယူပြောဆိုတတ်သူသည် မလုပ်ဝံ့သော အကုသိုလ်မရှိ"လို့ မြတ်စွာ ဘုရားရှင် မိန့်တော်မူပါတယ်၊၊ ဒါကြောင့်မို့ အမှားကိုမပြောမိဖို့၊ အမှန်ကိုပြောဆိုတတ်ဖို့သည် အလွန်မှ အရေးကြီးပါတယ်၊၊

အသေးအဖွဲကအစ တည်တည်ကြည်ကြည် လေးလေးနက်နက်ပြောတတ်တယ်ဆိုရင်တော့ ချပြစရာ ပညာတတ်လို့ အသိမှတ်ပြုထားတဲ့ ဘွဲ့တွေ၊ ဒီဂရီတွေ မရှိရင်တောင်မှ ပတ်ဝန်းကျင်က အလိုလိုအလေးထား တာကို ခံရပါတယ်၊၊ တချို့က ပညာတတ်လို့သာ အမည်ခံထားတာ၊ ပါးစပ်ကထွက်လာသမျှကကြတော့
တစ်ခုမှ ပညာရှင်မဆန်တာကို တွေ့ရပြန်ပါတယ်၊၊

ဒီလိုလူမျိုးတွေကို အင်္ဂလိပ်မှာတော့ so called wise လို့ခေါ်မယ်ထင်ပါတယ်၊၊ ပညာတတ် အတုကြီး ဆိုပါတော့၊၊ အတုဆိုမှတော့ ဘယ်မှာလာပြီး အစစ်လောက်ကောင်းမှာလဲ၊၊ ဘ၀တစ်ခု အောင်မြင်ဖို့ ဆိုတာကလည်း တစ်ယောက်တည်း အလုပ် လုပ်လို့ရတာမျိုး မဟုက်ပါဘူး၊ အဖွဲ့အစည်းတွေ၊ ပတ်ဝန်းကျင် တွေနဲ့ နှီးနှော၊ ပေါင်းသင်းဆက်ဆံပြီး လုပ်ယူရ၊ ကြိုးစားကြရတာမျိုးဖြစ်တဲ့အတွက် ပတ်ဝန်းကျင်က လေးစားဖို့၊အထင်ကြီးဖို့က ရာခိုင်နှုံးအတော်များများ အရေးပါပါတယ်၊၊

ပတ်ဝန်းကျင်ဆိုတာက အစတွေ့စမှာတော့ လူတယောက်မှာ မြင်သာတဲ့ စီးပွားရေးခိုင်မာမှုနဲ့၊ ပညာအ ရည်အသွေးကို ကြည့်တတ်ကြပေမဲ့ ရေရှည်ဆက်ဆံတဲ့အခါမှာတော့ အဲဒါတွေက အရေးမကြီးတော့ပါဘူး၊ ဒီလူ ဘယ်လောက် တည်ကြည်မှုရှိလဲ၊ စိတ်ဓာတ်ခိုင်မာလဲ၊ ကတိတည်လဲ၊ သစ္စာရှိလဲ စတာတွေကိုသာ ကြည့်ကြပါတယ်၊၊

မြတ်စွာဘုရားရှင်ကလည်း "အမှားကိုလုပ်ကြံပြောဆိုတတ်သူကို မိမိကလေးလေးနက်နက် အမှန်ကို ပြောဆိုခြင်းဖြင့် အနိုင်ယူတတ်ရမယ်"လို့ ဟောကြားတော်မူထားပါတယ်၊၊ (=သစ္စေ နာဠိက ၀ါဒိနံ၊၊) အမှန်ကို ပြောတတ်ဆိုတတ်မှုသည် ဘ၀တစ်ခုအောင်မြင်မှု အတွက်ရော၊ သံသရာအတွက်ပါ အရေး ပါကြောင်းကို ပါဠိစာပေနေရာများစွာမှာ လေ့လာရပါတယ်၊၊

သာမန်အောင်မြင်မှု၊ အခက်ခက်တွေကနေ အောင်မြင်ဖို့အတွက်လောက်ကိုမဆိုသာ၊ လောကသုံးပါးမှာ ဘုရားဖြစ်ဖို့နေရာမှာပင် အမှန်ပြောတတ်တဲ့အလေ့ကို သစ္စာပါရမီလို့နာမည်တပ်ပြီး ဘ၀အသင်္ချေများစွာ ကျင့်သုံးကြရပါတယ်၊၊ အခြားအရာတွေ ခက်သည်ထက်၊ ဘုရားဖြစ်ဖို့ အဆုံးစွန်ခက်ခဲ ကြောင်းပြောနေဖို့ မလိုပါဘူး၊၊

ဤမျှခက်ခဲသည့် အဆင့်ကြီးတခုကိုပင် အမှန်ကိုပြောဆိုတတ်မှုက ပါရမီတစ်ပါးအဖြစ်နဲ့ အထောက် အကူပေးတယ်ဆိုရင် သာမန်ဘ၀အခက်ကိုကျော်လွန်ဖို့၊ သာမန်ရန်တွေကို အောင်မြင်စေတယ် ဆိုတာလောက်ကို စကားအရာပင် ပြောနေဖို့မလိုတော့ပါဘူး၊၊ သေခြာပေါက် အစွမ်းထက်တဲ့ အရည်အခြင်း တစ်ခုပါ၊၊

အနှစ်ချုပ်ကြည့်ကြရအောင်ပါ၊၊ ဘ၀တစ်ခုအောင်မြင်ဖို့၊ အခက်ခဲတွေ၊ ရန်တွေကနေ လွတ်မြောက်ဖို့ နည်းလေးမျိုးကို စာပေမှရယူကြရမှာဖြစ်ပါတယ်၊၊ မေတ္တာ၊ ကိုယ်ကျင့်တရားဖြောင့်မတ်မှု၊ ရက်ရောမှု၊ သစ္စာတို့ဖြစ်ပါတယ်၊၊

ဒီလေးမျိုးသာ မိမိမှာရှိမယ်ဆိုရင် လိုချင်တာကိုရပါတယ်၊၊ ဘုရားတောင်မှဖြစ်စေတဲ့နည်းတွေ ဖြစ်တယ်ဆို တာကို လက်ခံနိုင်တယ်ဆိုရင် အခြားအောင်မြင်မှုလေးများလောက်ကို လုံးဝပေးနိုင်တဲ့နည်းတွေ ဖြစ်ပါတယ်၊၊ မိမိမှာ မရှိသေးဘူးဆိုရင် ကျင့်ယူရမှာ ဖြစ်ပါတယ်၊၊ နည်းနည်းကနေစပြီး အလုံးစုံပြည့်စုံလာတဲ့အခါ သိပ်ခက်ခဲတဲ့ အကျင့်မဟုက်ဘူးဆိုတာကို သိရမှာပါ၊၊

ယနေ့မျက်မြင်ကြီးပွားတိုးတက်နေသူတွေကို ကြည့်လိုက်ရင် အရည်အခြင်းလေးမျိုးထဲက တစ်ခုခြင်းစီဖြစ်ဖြစ်၊ အားလုံးဖြစ်ဖြစ် ပြည့်စုံနေတာကို တွေ့ရပါတယ်၊၊ ဘာအရည်အခြင်းမှ မရှိဘဲတော့ မအောင်မြင်တတ်ပါဘူး၊၊ မိမိ မတိုးတက်သူဖြစ်နေခဲ့တယ်ဆိုရင် ဒီအရည်အခြင်းတွေထဲမှာ တစ်ခုမှရေရေရာရာ မပြည့်စုံသေးလို့ဆို တာကို အားမနာတမ်း ကောက်ချက်ချရမှာ ဖြစ်ပါတယ်၊၊

စာဖတ်သူများ မင်္ဂလာရှိတဲ့ ၁၃၇၃၊ခုနှစ်သစ်ရဲ့၊ နှစ်သစ်ကူးမှာ ဘုရားရှင်ပေးတဲ့ အောင်မြင်နည်းလေးမျိုးကို လေ့လာသိမှတ်၊ ကျင့်ကြံသောအားဖြင့် ဘ၀မှာအောင်မြင်ပြည့်စုံသူများ ဖြစ်ကြပါစေ၊၊ ၊၊

အရှင်ကေ၀လ(အလင်းစက်)
ဘာဝနာဝိဟာရ-သီရိလင်္ကာ
(၂.၄.၂၀၁၁)

*အနတ္တလက္ခဏသုတ်ကို စိစစ်ခြင်း*

“အနတ္တ” ဆိုသည် စကားလုံး၊ အနတ္တဟူသော ဒေသနာဝေါဟာရသည် ဗုဒ္ဓပွင့်မှသာ ကြားခဲ့ရသည့် စကားလုံး ကြားနာခွင့်ရ သည့် စကားလုံးဖြစ်သည်။ ဤတရားတော်ကို ဗုဒ္ဓဟောတော်မူလိုက်သောအခါ သတ္တလောကကြီး တစ်ခုလုံး တုန်လှုပ်သွားသည်။ သတ္တလောကကြီးတစ်ခုလုံးမှာ အရိယာဗြဟ္မာတွေက လွဲ၍ ကျန်သော သတ္တ၀ါအားလုံးသည် “အတ္တ”လို့ ယူဆထားကြသည်။
အနတ္တတဲ့၊ အတ္တမဟုတ်ဘူး မရှိဘူးတဲ့ဟုလည်းကောင်း၊ သြော် အနတ္တပါလား၊ အတ္တဆိုတာ မရှိပါလားဟုလည်းကောင်း၊ ပြောဆို တုန်လှုပ်သွားတတ်ပါတယ်။ ဤ အနတ္တလက္ခဏသုတ်နှင့် စပ်လျဉ်း၍ ပိုမိုရှင်းလင်းအောင် ဗုဒ္ဓဂေါတမ ပွင့်တော်မူသည့် လွန်ခဲ့သည့် ၂၅၅၂-နှစ်မြောက် ကာလကို ပြန်ကြည့်ကြပါစို့။ အဲဒီဗုဒ္ဓပွင့်တော်မူတဲ့ သက္ကရာဇ်သည် မြန်မာတွေ အထင်ကြီး သုံးစွဲနေတဲ့ ခရစ်သက္ကရာဇ်မဟုတ်ပါဘူး။ ခရစ်မပေါ်သေးပါဘူး။
မဟာသက္ကရာဇ် ဖြစ်ပါတယ်။ ဗုဒ္ဓပွင့်တော်မူခဲ့သည့် နှစ်က ၁၀၃-ခုနှစ်ဖြစ်ပါသည်။ အဲဒီမဟာသက္ကရာဇ် ၁၀၃-ခုနှစ် ကဆုန်လပြည့် အရုဏ်တက်ချိန်မှာ ဗုဒ္ဓဂေါတမ မဟာဗုဒ္ဓအဖြစ်သို့ ရောက်တော်မူပါတယ်။ ဘုရားရှင်တိုင်းဟာ ဗုဒ္ဓအဖြစ်သို့ ရောက်လျှင်ရောက်ချင်း တရားဟောတော်မူရိုး မရှိပါ။ ဗုဒ္ဓအဖြစ်သို့ ရောက်တော်မူကြပြီး ကဆုန်လပြည့်ကျော် ၁-ရက်နေ့မှစ,ကာ ၀ါဆိုလဆန်း ၆-ရက်နေ့ အထိ ၄၉-ရက်တိုင်တိုင် ၀ိမုတ္တသုခလို့ခေါ်တဲ့ နိဗ္ဗာန်ချမ်းသာကို ခံစားတော်မူရင်း ဟောရမည့် တရားတော်တို့ကို နှလုံးသွင်း ဆင်ခြင်တော်မူပါတယ်။
သိကြပြီးဖြစ်သည့်အတိုင်း ၁၀၃-ခုနှစ် ၀ါဆိုလည်ပြည့်ညဥ့်မှာ ဓမ္မစကြာတရားတော်ကို ဟောတော်မူပါတယ်။ တရားနာပုဂ္ဂိုလ် တွေက…
(၁) ကောဏ္ဍည ရသေ့ကြီး
(၂) ၀ပ္ပ ရသေ့ကြီး
(၃) ဘဒ္ဒိယ ရသေ့ကြီး
(၄) မဟာနာမ ရသေ့ကြီး
(၅) အဿဇိ ရသေ့ကြီး
ဒီရသေ့ကြီး ၅-ဦးနှင့် နတ်ဗြဟ္မာများစွာဖြစ်ပါတယ်။ ဒီရသေ့ ငါးဦးဟာ အတ္တကိလမထ အနုယောဂလမ်းစဉ်ကို ယုံကြည်တဲ့ ရသေ့ကြီးများ ဖြစ်ကြပါတယ်။ ဒါကြောင့် ဗုဒ္ဓက “ဒွေ မေ ဘိက္ခဝေ အန္တာ ပဗ္ဗဇိတေန န သေ၀ိတဗ္ဗာ”ဟု အစချီကာ ဟောတာဖြစ်ပါတယ်။ ဒီညမှာ ကောဏ္ဍည ရသေ့ကြီး သောတာပန်တည်ပြီး ဧဟိဘိက္ခု ရဟန်းဖြစ်ပြီး နတ်ဗြဟ္မာအပေါင်း ၁၈-ကုဋေလည်း ကျွတ်တမ်းဝင်ပါတယ်။
ဝါဆိုလပြည့်ကျော် -၁ရက်နေ့မှာ ၀ပ္ပရသေ့ကြီး သောတာပန်တည်၊ ဧဟိဘိက္ခုဖြစ်
ဝါဆိုလပြည့်ကျော် ၂-ရက်နေ့မှာ ဘဒ္ဒိယရသေ့ကြီး သောတာပန်တည်၊ ဧဟိဘိက္ခုဖြစ်
ဝါဆိုလပြည့်ကျော် ၃-ရက်နေ့မှာ မဟာနာမရသေ့ကြီး သောတာပန်တည်၊ ဧဟိဘိက္ခုဖြစ်
ဝါဆိုလပြည့်ကျော် ၄-ရက်နေ့မှာ အဿဇိရသေ့ကြီး သောတာပန်တည်၊ ဧဟိဘိက္ခုဖြစ်ပါတယ်။
ထို့ကြောင့် ၀ါဆိုလပြည့်ကျော် ၄-ရက်နေ့မှာပင် ရသေ့ ၅-ဦးလုံး သောတာပန်ဖြစ်နေကြပါပြီ။ ရသေ့ကြီးငါးဦးလုံးသည် တရားနာရလို့ သောတာပန် အရိယာဖြစ်သောကြောင့် ဗုဒ္ဓက “ဧဟိဘိက္ခု – ရဟန်း, လာလို့” ခေါ်လိုက်တဲ့အခါကျမှ ရသေ့အသွင်ပျောက်ပြီး ၀ါ ၆၀-ကျော်ရ မထေရ်ကြီးများလို ရဟန်းအသွင် ရဟန်းပုံစံနှင့် ဖြစ်လာကြတာ ဖြစ်ပါတယ်။
ဝါဆိုလပြည့်ကျော် ၅-ရက်နေ့ ရောက်တဲ့အခါ ပဉ္စ၀ဂ္ဂီရဟန်း ငါးပါးကို တစ်စုတစ်ဝေးတည်း ခေါ်တော်မူ၍ “ရူပံ ဘိက္ခဝေ အနတ္တာ- ရဟန်းတို့ ရုပ်တရားဟာ အတ္တမဟုတ်ဘူး”လို့ အစချီပြီး ဒီအနတ္တလက္ခဏသုတ်ကို စတင်ဟောကြားတေယ်မူပါတယ်။
ဤနေရာတွင် သတိပြုကြရမည်ဖြစ်ပါတယ်။ ဒီပဉ္စ၀ဂ္ဂီ ရဟန်းငါးပါးသည် သောတာပန် အရိယာကြီးများ ဖြစ်ကြပြီး ဖြစ်သောကြောင့် သက္ကာယဒိဋ္ဌိ မရှိတော့ပါ။ သက္ကာယဒိဋ္ဌိ မရှိတော့လျှင် သက္ကာယဒိဋ္ဌိကို အခြေခံ၍ ဖြစ်လာသည့် ဒိဋ္ဌိ ၆၂-ပါးလုံး ပြုတ်ပြီး ကင်းပြီး ရှင်းပြီး ဖြစ်သွားပါပြီ။ ဒီလို ခန္ဓာငါးပါးနှင့်စပ်ပြီး “အတ္တ”လို့ယူတဲ့ အတ္တဒိဋ္ဌိ မရှိတော့သည့် ရဟန်းတော်ကြီးများကို “ရူပံ ဘိက္ခဝေ အနတ္တာ- ရဟန်းတို့ ရုပ်တရားဟာ အတ္တမဟုတ်ဘူး”လို့ ဟောတာဟာ အတ္တဒိဋ္ဌိကို ရည်ညွန်းဟောတာ မဖြစ်နိုင်ပါဘူး။ ဒီလိုဆိုလျှင် “အနတ္တ”ဆိုသည့် စကားလုံးရဲ့ အနက်အဓိပ္ပါယ်က အဘယ်ကို ရည်ရွယ်ပြီး ဟောထားတာ ဖြစ်နိုင်မလဲ။
တကယ်လို့ အတ္တဒိဋ္ဌိကို ရည်ရွယ်ပြီး “အနတ္တာ”လို့ ဟောတော်မူတယ်ဆိုရင် ပဉ္စ၀ဂ္ဂီတို့ကလည်း ရုပ်ဟာအတ္တမဟုတ်ဘူး ဆိုတာ သိပြီး ရှင်းပြီး လင်းပြီးဖြစ်လို့ အကျိုးမရှိပါဘူး။ ဗုဒ္ဓဟာ အကျိုးမရှိသည့် စကားကို အကျိုးမရှိသည့် တရားကို မပြောပါဘူး မဟောပါဘူး။ ဒါကြောင့် “ရူပံ ဘိက္ခဝေ အနတ္တာ”-လို့ချီပြီး ဟောသည့် ဒေသနာမှာပါတဲ့ “အတ္တာ” ဆိုတဲ့စကားလုံးရဲ့ အနက်အဓိပ္ပါယ်ကို စိစစ်ရပါမယ်။
ဤနေရာ၌ အတ္တဆိုသည့် စကားလုံးကို ဒိဋ္ဌိနှင့်ဆိုင်သည် အတ္တနှင့် မာနဆိုင်သည် အတ္တလို့ ခွဲခြားမှတ်သားရပါမယ်။ ဒိဋ္ဌိ နှင့်ဆိုင်သည့် အတ္တဆိုသည်မှာ ခန္ဓာကိုယ်ကို လည်းကောင်း၊ တစ်လောကလုံးကို လည်းကောင်း၊ အစိုးရလျက် မပျက်မစီး အမြဲတည်နေတဲ့ အနှစ်သာရ အမာခံ အတ္တ-လို့ယူတဲ့ အယူဝါဒဖြစ်ပါတယ်။ ဒီအယူဝါဒသည် ကျယ်ဝန်းပါသည်။ ဆိုလိုရင်းကတော့ ခန္ဓာကိုယ်ရော လောကကိုရော အစိုးရတဲ့ မပျက်စီးအမြဲတည်နေတဲ့ အတ္တရှိတယ်လို့ ယူဆတဲ့ အယူပါပဲ။ မြန်မာတို့က အသက်, လိပ်ပြာ, ၀ိညာဉ်ကောင်လို့ယူတယ်။ ဒီအယူဝါဒအတိုင်း အတ္တဆိုတဲ့ စကားကို အဓိပ္ပါယ်ဖေါ်လျှင် …..
ရူပံ အတ္တာ – ရုပ်ဟာ မပျက်မစီး အမြဲတည်တဲ့ အနှစ်သာရ အမာခံ အတ္တပဲ၊ အသက် လိပ်ပြာ ၀ိညာဉ်ကောင်ပဲလို့ အဓိပ္ပါယ်ပြန် ရပါမယ်။ ဒီအတိုင်းပဲ ရူပံ အနတ္တာ -ရုပ်ဟာ မပျက်မစီးအမြဲတည်တဲ့ အနှစ်သာရ အမာခံအတ္တမဟုတ်၊ အသက် လိပ်ပြာ ၀ိညာဉ်ကောင်းမဟုတ်လို့ အနက်အဓိပ္ပါယ် ပြန်ဆိုရပါမယ်။
ပဉ္စ၀ဂ္ဂီငါးဦးတို့သည် အတ္တဒိဋ္ဌိကင်းပြီးဖြစ်လို့ ဗုဒ္ဓက ဒီအဓိပ္ပါယ်နှင့် ဟောတာမဟုတ်ပါဘူး။ ဒီလိုဆိုလျှင် ဘယ်အတ္တကို ရည်ရွယ် တာလဲ။ အဖြေက မာနနှင့်ဆိုသည့် အတ္တကို ဖြုတ်နေတာပါ။ ပဉ္စ၀ဂ္ဂီငါးပါးတို့ဟာ ဧသော မေ အတ္တာ- ဒါ ငါ့အတ္တပဲ လို့ ယူတဲ့ ဒိဋ္ဌိဂ္ဂါဟ ကင်းပေမယ့် ဧသောဟ မသ္မိ- ဒါ ငါပဲ လို့ ထင်မှတ်စွဲယူနေတဲ့ မာနဂ္ဂါဟ ကျန်နေပါတယ်။ မာနဂ္ဂါဟ အစွဲပြုတ်လျှင်လည်း ဧတံ မမ -ဒါ ငါ့ဟာ လို့ စွဲတဲ့ တဏှာဂါဟ ပြုတ်ပါတယ်။ ဒါကြောင့် သညာဝိပလ္လာသ စိတ္တ၀ိပလ္လာသတို့ကြောင့် စွဲနေတဲ့ မာနဂ္ဂါဟကို ဖြုတ်ချင်လို့ ဒီအနတ္တလက္ခ သုတ်တော်ကို ဟောတော်မူတာ ဖြစ်ပါတယ်။
ဒီလိုဆိုလျှင် မာနဂ္ဂါဟနှင့်ဆိုင်တဲ့ အတ္တကဘာလဲ… မာနနှင့်ဆိုင်တဲ့ အတ္တက “ကိုယ်အတ္တဘော”လို့ အနက်ဖေါ်ရတဲ့ အတ္တပဲ။ ဥပမာ… အတ္တာနံ ၀ဓိတွာ ၀ဓိတွာ ရောဒတိ- အတ္တာနံ- ကိုယ့်ကိုယ်ကို၊ ၀ါ- အတ္တဘောကို၊ ၀ဓိတွာ ၀ဓိတွာ- ထု၍ ထု၍၊ ရောဒတိ- ငို၏။ ဤမှာပါသော အတ္တကို “ငါလို့ ကိုယ်လို့ အနက်ပေးရတဲ့ အတ္တပဲ”။ ဒီအတ္တနှင့်စပ်လျဉ်း၍ ထေရအဋ္ဌကထာမှာ ..
အတ္တဘာဝေါ ဟိ အာဟိတော အဟံ မာနော ဧတ္တာတိ ၀ုစ္စတိ“လို့ဖွင့်တယ်။ အတ္တဘာဝေါ- အတ္တဘောကို၊ ဧတ္ထ- ဤအတ္တ ဘော၌ အဟံ မာနော- ငါဆိုတဲ့မာနကို၊ အာဟိတော- ထားအပ်၏ ထည့်သွင်းအပ်၏။ ဣတိ-ဤသို့ မာနထားရာ မာနထည့်သွင်း ရာဖြစ်သောကြောင့်၊ အတ္တာတိ- အတ္တဟူ၍ ၀ုစ္စတိ- ဆိုအပ်၏။
ဒါကြောင့် သညာဝိပလ္လာသ စိတ္တ၀ိပလ္လာသတို့ကို အခြေခံပြီး “ငါ”လို့ ထောင်လွှားနေတဲ့ မာနကိုပယ်သတ်ရန် “ရူပံ ဘိက္ခဝေ အနတ္တာ”လို့ အစချီပြီး ဟောတော်မူတာဖြစ်ပါတယ်။ ရူပံ- ရုပ်တရားသည်၊ အနတ္တာ- အလိုသို့လိုက်၍ စိုးပိုင်သောတရား မဟုတ်လို့ အနက်ဆို အဓိပ္ပါယ်ယူရပါမယ်။
ဒီအနက်အဓိပ္ပါယ်ဟာ အနတ္တဆိုသည့် ပုဒ်၏ ဟောနိုင်သော အနက်များစွာထဲက “အ၀သ၀တ္တန အနက်” ဖြစ်ပါတယ်။ ဒီအနက် အဓိပ္ပါယ်သည် တိတ္ထိတို့ ကြံဆအပ်တဲ့ အယူဝါဒကို ပယ်ဖျက်တဲ့ အနက်အဓိပ္ပါယ် မဟုတ်ပါ။ ခန္ဓာကိုယ် အတ္တဘောကိုမှီပြီး ဖြစ်ပေါ် ထောင်လွှားနေသော မာနကိုပယ်တဲ့ အနက်အဓိပ္ပါယ် ဖြစ်ပါတယ်။
ဗုဒ္ဓက “ရဟန်းတို့ ရုပ်တရားဟာ အလိုသို့လိုက်၍ စိုးပိုင်သောတရား မဟုတ်၊ ခံစားမှုဝေဒနာဟာ အလိုသို့လိုက်၍ စိုးပိုင်သော တရားမဟုတ်၊ မှတ်သားမှုသညာဟာ အလိုသို့လိုက်၍ စိုးပိုင်သော တရားမဟုတ်၊ စေ့ဆော်မှု သင်္ခါရဟာ အလိုသို့လိုက်၍ စိုးပိုင်သော တရားမဟုတ်၊ သိမှုဝိညာဏ်ဟာ အလိုသို့လိုက်၍ စိုးပိုင်သော တရားမဟုတ်” ဤသို့ ဝေဖန်ရှင်းပြကာ ခန္ဓာကိုယ်အတ္တဘောနှင့် စပ်ပြီး မာန်တက်နေခြင်းကို ပယ်ဖျောက်တော် မူခြင်းဖြစ်ပါတယ်။
ဦးမာနိတာသီရိဘိဝံသ
(သူဋ္ဌေးတန်းကျောင်းဆရာတော်)
မဟာဝိသုဒ္ဓါရုံကျောင်းတိုက်၊ မန္တလေးမြို့
““““““““““““““““““““““
လေးစားရိုသေစွာဖြင့်
ဖိုးသား

Sunday, April 3, 2011

အရှင်သာရိပုတ္တရာ မထေရ်ကြီး၏ နည်းယူဖွယ်ကောင်းသော ဂုဏ်ရည်များ t

မြတ်စွာဘုရား သာသနာတော်၌ ပညာအရာ ဧတဒဂ်ရ ပုဂ္ဂိုလ်မြတ်ကြီး တပါးကား အရှင်သာရိပုတ္တရာ မထေရ်မြတ်ကြီးပင် ဖြစ်ပါသည်။ သာရီပုဏ္ဏေးမကြီး၏ သားဦးရတနာတပါး ဖြစ်၏။ ငယ်စဉ်ကပင် ပညာဉာဏ် ထူးချွန်သူဖြစ်၏။ တခုသော နက္ခတ်ပွဲသဘင်၌ လူအများ ပျော်ရွှင်နေသည်ကို ကြည့်၍ အိုဘေး နာဘေး သေဘေးကို မေ့လျော့ပြီး ခေတ္တခဏ ပျော်ရွှင်နေရခြင်းပါကလားဟု သံဝေဂဉာဏ် ရရှိ်ခဲ့၏။ ထိုနေ့မှာပင် အို-နာ-သေ လွတ်ရာ တရားရှာရန် အဖော်သူငယ်ချင်း ကောလိတ (အရှင်မောဂ္ဂလာန် အလောင်းလျာ) နှင့် ဆရာရှာထွက်ခဲ့လေသည်။

ဗုဒ္ဓ၏ သဗ္ဗညုတဉာဏ်တော်ကြီးကို ဖူးတွေ့ရသဖြင့် ရေကန်အသင့် ကြာအသင့် ဖြစ်ခဲ့ရပါသည်။ ထို့ကြောင့်လည်း မြတ်ဗုဒ္ဓအောက် တယောက်ဆိုသလို ပညာဂုဏ် ထွန်းတောက်ခဲ့ပေသည်။ ပညာအရာ၌ ငါနှင့် ငါသာ နှိုင်းစရာ-ဟု ဆိုနိုင်လောက်အောင် ထွန်းတောက်ခဲ့သော်လည်း သီတင်းသုံးဖော်တို့အပေါ် ပညာဂုဏ် မမောက်၊ ပညာမာန် မကြီး၊ မိမိကိုယ်ကို ခြေသုတ်ပုဆိုး မြွေစွယ်ကျိုး-သို့ နှိမ့်ချထားပေ၏။

မြတ်ဗုဒ္ဓ၏ လက်ယာတော်ရံ အဂ္ဂသာဝကကြီးဖြစ်လင့်ကစား သီတင်းသုံးဖော်များ နာမကျန်းဖြစ်သည့်အခါ ကိုယ်တိုင် ဂရုတစိုက် ပြုစုစောင့်ရှောက်၏။ လူမှုဒုက္ခများကိုလည်း အတုမဲ့သော နှလုံးသားဖြင့် သည်းခံခွင့်လွှတ်တော်မူ၏။ တနေ့သ၌ ရဟန်းတပါးက အရှင်သာရိပုတ္တရာသည် တပည့်တော်အား ဆဲဆိုရိုက်နှက်သွားပါသည်-ဟု မဟုတ်မမှန် လျှောက်တင်၏။ မြတ်ဗုဒ္ဓက အဖြစ်မှန်ကိုသိသော်လည်း ခေါ်ယူမေးမြန်း၏။ မထေရ်မြတ်က တပည့်တော်သည် အမှိုက်များ၊ ချေးများ စွန့်ပစ်ရာ မြေကြီးပမာ နှိမ်ချသောစိတ် ရှိပါသည်-ဟု လျှောက်ထားလေ၏။

မိမိကိုယ်တိုင် ပညာဧတဒဂ်ဖြစ်သော်လည်း ပညာရှိကို ရိုသေမြတ်နိုးတတ်၏။ တနေ့သော် မထေရ်မြတ်က အရှင်ပုဏ္ဏ-မထေရ်အား ၀ိသုဒ္ဓိခုနစ်တန်ကို မေးလေ၏။ အရှင်ပုဏ္ဏ-မထေရ်က အာဇာနည်မြင်း,ကသော ရထား ၇-တန် ဥပမာဖြင့် ဖြေကြား၏။ မထေရ်မြတ် သဘောကျလှ၍ ပုဏ္ဏ-မထေရ်ကဲ့သို့သော ပညာရှိကို မေးလိုသည့်အခါ အသင့်မေးနိုင်ရန် ဦးခေါင်းပေါ်တင်ထားသင့်၏-ဟု ပညာဂုဏ်ကို ထုတ်ဖော်ချီးကျူးခဲ့ပါသည်။

လူတို့သည် သူတပါးတို့အား ဆုံးမချင်ကြသလောက် မိမိကိုယ်တိုင် အဆုံးအမ မခံချင်ကြ။ သူတပါးအား ပြစ်တင်ဝေဖန်ချင်ကြသလောက် မိမိကိုယ်ကို ဝေဖန်ခံရမှာ ကြောက်တတ်ကြသည်။ မထေရ်မြတ်ကြီးကား ထိုသို့မဟုတ်။ သူတပါးအား ဆုံးမတတ်သလို မိမိကိုယ်တိုင်လည်း အဆုံးအမကို ခံယူတတ်ပေသည်။ တနေ့တွင် မိမိရှင်ပြုပေးထားသော သာမဏေငယ်အား ရှင်ကျင့်ဝတ်ကို အနည်းအကျဉ်းမျှ သင်ပေးထား၏။ ရှင်ငယ်သည် ထိုနေ့မှာပင် မထေရ်မြတ် သင်္ကန်းဝတ်ပုံ အ၀န်းမညီသည်ကို မြင်သဖြင့်-အရှင်ဘုရား ဤသို့လည်း သင်္ကန်းဝတ်ကောင်းပါသလား-ဟု လျှောက်ထား၏။ ထိုအခါ မိမိသင်္ကန်းဝတ်ပုံ အမှန်တကယ် မညီမှန်းသိ၍ ကွယ်ရာတွင် ညီအောင်ဝတ်ပြီး သာမဏေငယ်အား ပြ၍ အဆုံးအမကို ခံယူ၏။ ခုနစ်နှစ်သား သာမဏေငယ်သည် ငါ့ကို ဆုံးမသည်ဖြစ်စေကာမူ ငါခံယူအံ့-ဟု မိန့်တော်မူလေ၏။

မထေရ်မြတ်သည် တဖက်သား နားဝင်အောင် အဆင့်ဆင့် ဟောတတ်သလို လက်ခံချင်လာအောင်လည်း အထပ်ထပ် ပြောတတ်၏။ မထေရ်မြတ်၏ အမျက်ဖြေတရားမှာ နားဝင်လွယ်ပြီး လက်ခံဖွယ်၊ လိုက်နာဖွယ်လည်း ဖြစ်ပေသည်။ ထိုတရားမှာ-တစုံတယောက်အား အမျက်ဒေါသ ထွက်မည်ကြံလျှင်

၁။ ပံ့သကူ ပုဆိုးကောက်သူသည် ကောင်းနိုးရာကိုသာ ရွေးကောက်သကဲ့သို့ အမူအကျင့် မကောင်းသူဖြစ်မူ နှုတ်ကောင်းသည်ကို ဆင်ခြင်၍ အမျက်ဖြေပါ။
၂။ ရေညှိမှေး တင်နေသော ရေကန်၌ အပေါ်ရေညှိ လှစ်၍ အတွင်းရေကို သောက်ရာသကဲ့သို့ နှုတ်မကောင်းသူဖြစ်ပါက အမူအကျင့်ကောင်းသည်ကို ဆင်ခြင်၍ အမျက်ဖြေပါ။
၃။ ရေငတ်သူသည် နွားခြေရာခွက်၌ရှိသော ရေကို ပုဆစ်တုပ်ဝပ်၍ သောက်ရာသကဲ့သို့ အမူအကျင့်ရော၊ နှုတ်ပါ မကောင်းသူဖြစ်မူ တခါတရံ နှစ်သက်ဖွယ်ရှိသည်ကို ဆင်ခြင်၍ အမျက်ဖြေပါ။
၎။ အရပ်တပါးသို့ တဦးတည်း ခရီးသွားပြီးလျှင် လမ်း၌ နာမကျန်းဖြစ်၍ ပြုစုစောင့်ရှောက်မည့်သူ မရှိသော လူနာအား မြင်ရသူများ သနားကြသကဲ့သို့ အမူအကျင့်ရော၊ နှုတ်ပါ မကောင်းသည့်အပြင် နှစ်သက်ဖွယ်လည်းမရှိသူ ဖြစ်ပါက-ဪ ဤသူကို လောက၌ ရခဲလေစွတကား-ဟု သနားခြင်းကို ရှေးရှု၍ အမျက်ဖြေပါ။
၅။ ချိန်မြိန်အေးမြသည့် ရေကို သောက်ပြီး စိမ်းလန်းစိုပြည်သော အရိပ်အာဝါသ အောက်တွင် လေညင်းခံကာ အနားယူနေသူသည် နှလုံးမွေ့လျော် ပျော်ရွှင်ကြည်နူးဖွယ်ရာ ဖြစ်သကဲ့သို့ ကိုယ် နှုတ် နှလုံး သုံးပါးစုံ နှစ်သက်ကောင်းမွန်သူဖြစ်မူ ရန်ငြိုးမဖွဲ့ဘဲ အမြဲမြတ်နိုးပါ။

အရှင်သာရိပုတ္တရာ မထေရ်မြတ်ကြီးသည် သူတပါးအား အမျက်မထား၊ ဒေါသမပွားစေလိုသည်သာမက မိမိကိုယ်တိုင်လည်း ခန္တီတရားနှင့် ပြည့်စုံအောင်နေလေ့ရှိပေသည်။ ဤမျှ လိုက်နာအတုယူ အားကျဖွယ်၊ စံပြုထိုက်ဖွယ်သော ဂုဏ်ရည်တို့နှင့် ပြည့်စုံတော်မူသော မထေရ်မြတ်ကြီးသည် လွန်ခဲ့သော နှစ်ပေါင်း ၂၅၀၀-ကျော်ကာလ၊ မဟာသက္ကရာဇ် ၁၄၇-ခုနှစ်၊ တန်ဆောင်မုန်းလပြည့်နေ့ ညဥ့် မိုးသောက်ယံ အချိန်ဝယ် မိမိ၏ မွေးဖွားသန့်စင်သောအခန်း၌ ခန္ဓာချုပ်ငြိမ်း၍ ပရိနိဗ္ဗာန် ၀င်စံတော်မူခဲ့လေသည်။

မြတ်ဗုဒ္ဓ၏ လက်ယာတော်ရံ အဂ္ဂသာဝက ပညာဧတဒဂ်ရ မထေရ်မြတ်ကြီးအား ပူဇော်ကန်တော့သည့်အနေဖြင့် ရဟန်း ရှင် လူ ဗုဒ္ဓဘာသာဝင် အပေါင်းတို့သည် မထေရ်မြတ်ကြီး၏ အမူအကျင့် လိုက်နာဖွယ် အားကျဖွယ် စံပြုထိုက်ဖွယ်တို့အား အတုယူပြီး ခန္တီနှလုံး အစဉ်သုံး၍ အို-နာ-သေ လွတ်ရာ မြတ်နိဗ္ဗာန်သို့ မဂ္ဂင်လမ်းဖြင့် တက်လှမ်းကြပါစို့ဟု တိုက်တွန်းနှိုးဆော်လိုက်ပါသည်။

( ဘဒ္ဒန္တ နာဂသေန-၀မ့်ကွန်, လွိုင်ကော်)